رشاقه بدوووون دايت

طبعا العنوان صادم.. وبعيد عن كل تصوراتنا ومعتقداتنا اللي ترسخت في عقلنا يمكن منذ الطفوله..هو في رشاقه بدون دايت؟؟؟؟؟؟

 

  اه طبعا في رشاقه بدون دايت ....طب اصدمك تاني؟ مفيش اصلا رشاقه مع الدايت ... او بمعني اخر .. أي رشاقه هتحققيها مع الدايت هتكون رشاقه وهميه... بتخدعي بيها نفسك وبتخدعي بيها جسمك وهتنهار قدام اول طبق محشي يتحط قدامك :) 

طب ايه يعني الكلام ده ؟ وايه الحل ؟ افضل بوزني العالي ده؟؟؟ اكيد طبعا مش ده خالص اللي انا اقصده .. خليني اشرحلك الاول شوية حاجات منها هنقدر نفهم بعض اكتر..

اولا : لازم نفهم ان طبيعة الجسم كما خلقها الله والوظيفه المهيئ لها انه يأكل عشان الاكل مهم لاستمرار الحياه والوظائف الحيويه ولكن في نفس الوقت يقوم بحرق هذه المواد الغذائيه المختلفه ليحولها الي طاقه تستخدم في خدمة هذا الجسد ووظائفه الحيويه كما ذكرنا فيما يسمي بعملية (الايض ) او (الميتابوليزم) ولو ده فعلا تم .. مكنش هيحصل سمنه زي اللي بنشوفها حاليا..

وهنا حد هيقولي ... ازاي يا دكتور؟ معروف يعني ان السمنه قابليه .وفي حد جسمه قابل للسمنه وحد تاني مهما ياكل مبيتخنش ...!!

اقوله انت صح.. وغلط J

ازاي يعني صح وغلط؟

صح لان فعلا في اجسام قابله للسمنه زي ما في ناس مهيئه للضغط العالي او مرض السكر او أي امراض اخري من امراض خلل الوظائف الحيويه

وانت غلط ف ايه بقي؟؟؟ ف ان انت بتحاول تقنعني وتقنع نفسك ان الانسان القابل لحدوث السمنه هيتخن هيتخن مهما كان اكله...والانسان الغير مهيئ لحدوث السمنه مهما ياكل مبيتخنش كل اللي اعتقداتك دي خاطئه تماما..وخلينا نفسرها واحده واحده...

اولا : الانسان القابل لحدوث السمنه والسمنه بالمناسب زى أي مرض .. اذا تهيئت له الظروف المناسبه سيحدث.. واذا لما تتهيئ لن يحدث ..وتعالو نضرب مثال بعيدا عن السمنه...... الاخين الحاملين لنفس الجين المسبب لحدوث  الخلل في وظائف البنكرياس والمسببه لمرض السكر ستجد ان احدهما سوف تظهر عليه اعراض المرض من سن العشرين وربما في سن اقل.. بينما الاخر لن تظهر عليه اعراض نفس المرض الا بعد الثلاثين او الاربعين (وهنا طبعا  نتحدث عن مرض السكر من النوع الاول الوراثي وليس الناتج عن الشيخوخه).. طيب ايه الفرق بين الاخين دووول؟ الفرق طبعا هيتضح لما ننظر نظرة مدققه وفاحصه للعادات الغذائيه لكل منهما ..بالتأكيد هنلاقي اختلاف كلي وجزئي في عاداتهم الغذائيه...وده هنشرحه ف مقاله قادمه باذن الله عن اهم العادات التي تعجل بظهور مرض السكر الوراثي او الناتج عن تقدم السن.

طيب ايه علاقة الكلام ده بقي بالسمنه؟ السمنه زيها زي أي خلل وظيفي اذا تهيئت له الظروف المناسبه هيظهر في هيئة مرض واذا لم تتهيئ تلك الظروف سيظل كامنا ولن يظهر.

يعني ايه برده؟ يعني مفيش واحد مبياكلش وهيتخن وواحد تاني بياكل ومش هيتخن ...طبعا الكلام غريب وهتحلف ان والله بيحصل ...

لا تعالي الاول واستعرض معايا العادات الغذائيه لشخص يعاني من السمنه وبعدين نتكلم.. خدوا بالكم انا هنا بقصد اني استخدم دايما مصطلح العادات الغذائيه ومبتكلمش ابدا عن كمية الاكل اللي كل الناس بتعتقد ان هي المشكله الوحيده المسببه للسمنه . اطلاقا علي فكره... انا وانت وكلنا بيقابلنا ناس بيعانوا من زيادة الوزن وأكلهم ككميه قليل .. وعلي العكس منهم الناس اللي بنسميهم بياكلو كتييير وميبانش عليهم J

طب المشكله فين لو مش في الكميه؟ هي طبعا الكميه احدي المشاكل لكنها لا تعمم علي كل الحالات لان الاهم منها ويييجي في المقام الاول هي العادات الغذائيه للشخص المصاب بالسمنه

زي ايه؟؟؟

عد معايا بقي...وهناخد كل عنصر ونتكلم عنه علي حده ونستكمل كل العناصر في مقالات تاليه باذن الله..

*اولا: نوعيات الطعام

زي الوجبات الجاهزه  .. الشيكولاته بكل انواعها الشيبسي ..والمقرمشات بكل انواعها المياه الغازيه والعصائر المعلبه بكل انواعها حتي المكتوب عليها خالي من السكر .. طب دي كمان ليه؟ لان الفكره مش بس في عدد السعرات الموجوده في الحاجات دي الفكره في كمية المواد الحافظه والالوان الصناعيه الهائله اللي بتدخل اجسامنا وكل الناس بتتكلم ان المواد الحافظه  والالوان الصناعيه مضره لحاجات كتير مبيذكروش من ضمنها انها احدي الاسباب الرئيسيه لحدوث السمنه لانها تسبب ما يشبه التسمم في الخلايا بصفه عامه والخلايا الدهنيه بصفه خاصه تجعلها غير قادره عن التخلي عن الدهون الموجوده في تلك الخلايا لتحويلها لطاقه وبالتالي نزول الوزن

 يعني للاسف بتعمل دور قاسي جدا وهو انها تخلي المريض مهما حاول الاقلال من كميات الاكل بيكون نزول الوزن عنده صعب جدا ودي للاسف اصبحت شكوي متكرره..

ايه تاني مشكلة الاكل ده؟

مشكلة الانواع دي من الاكل واللي بسميها الاكل المصنع بتشديد النون يعني المصنوع يعني دخل أي مصنع وتم عليه اجراء بعض التعديلات التصنيعيه ليصبح قابل للحفظ او لتغيير الطعم والنكهه

بمعني ان أي حاجه في كيس او علبه اصبحت مصنعه.. وكذلك الاكلات الجاهزه والوجبات السريعه وكلنا عارفين طبعا الكثير من الاسماء العالميه اللي بتقدم الاكل ده في فروعها المنتشره..

مشكلة الاكل ده  ان احدث الدراسات واللي اخدت سنين عشان تطلع بالنتيجه دي .. اثبتت ان الجسم لا يتعرف علي كل انواع الاكل المصنع ده... يعني ايه بقي مبيتعرفش عليها؟ يعني مبيفهمهاش.. هو تم برمجته من قبل الخالق عز وجل للتعرف علي  اربعة عناصر من الطعام الطبيعي وهي .. النشويات البروتينات  والدهون والالياف الطبيعيه اللي هي الخضروات والفاكهه طبعا..

وبمجرد ما بيتم تصنيع أي عنصر من هذه العناصر باي مرحله تصنيعيه لتغيير الطعم والنكهه او لانتاج منتج جديد او حتي للحفظ لفترات طويله ..يفقد الجسم قدرته تماما علي التعرف علي هذه الانواع وبالتالي التعامل معها ..

يعني ايه بقي الكلام ده... يعني سيادتك _وعلي سبيل المثال لا الحصر_ لما بتاكل ساندوتش برجر مثلا .. الجسم مبيتعرفش علي قطعة البرجر دي .. مخدهاش.. مذاكرهاش J  طب امال هيتعامل معاها ازاي؟ اقولك ازاي..زي الطالب اللي بيجيله سؤال مذاكروش...ولا كانه شايفهJ هو هيتعامل معاها تعامل ميكانيكي بحت هيفرمها عادي جدا وهيستخلص منها الحاجه الوحيده اللي ذاكرها ويعرفها.. الدهونL  ويخزنها طبعا لانها اسوأ انواع الدهون علي الاطلاق اللي هي الدهون المشبعه او منخفضة الكثافه  واللي بتتخزن طبعا بطريقه عشوائيه في الجسم والمصيبه الاعظم ان النوع ده من الدهون بيفضل افضليه مطلقه التركيز والتخزين في منطقة البطن ... وعشان كده الشكوي العامه والمطلقه حاليا .

انا عندي كرش .. عاوزه انزل بطني يا دكتور...انا وزني كويس بس بطني مضايقاني اوي.. عرفتو بقي البطن دي جت منين؟؟؟؟

اما باقي الوجبه بكل مشتملاتها اللي هو ميعرفهاش فبيتم التخلص منها عن طريق الاخراج ..يعني من الاخر الوجبه دي الجسم لم يستخرج منها أي عنصر مفيد او فيتامين ولا حتي اعطت للجسم الطاقه اللازمه...وهقولك تجربه بسيطه تعمليها...او تلاحظيها.. ابنك بعد ما بياكل ساندوتش البرجر الشهير اياه... لاحظي اداؤه وراقبي درجة نشاطه خاصة لو كانت دي وجبة غدا وبعدها مثلا كان عنده تمرين او بدأ يلعب مع اصحابه في النادي ... هتلاقيه فاقد للحيويه والنشاط ..بمعني اخر معندوش فعليا طاقه يلعب... بل بالعكس ممكن تلاقيه عنده خمول واداؤه بطئ.. اصله هيجيب منين طاقه يلعب؟ هو ميكانيكيا.. اكل.. يعني شبع .. لكن حرفيا هو مأكلش...لان الجسم لم يستخرج من الوجبه دي ولا سعر حراري واحد يستخدمه في عملياته الحيويه..

كم من الحقائق الصادمه هنكتفي بيها النهارده لنستكمل في المقاله القادمه باذن الله

مع تحياتي..د/نهاد فهمي

  اخصائي التغذيه العلاجيه والطب البديل وامراض السمنه والنحافه/

سمارت لايف ميديكال هيلث سنتر

49 عباس العقاد بجوار بنك مصر

01118008050

0224047178

المزيد في هذه الفئة : « نصائح للحفاظ على تثبيت الوزن

بحث في الموقع

إعلان

22.png

صحة ورشاقة

تابعنا على فيسبوك

إعلان