مسيطرة ومتسلطة

  • Posted on:  الخميس, 13 تشرين2/نوفمبر 2014 08:44
  • كتبه 

أنا سيدة في العقد الثالث من العمر مشكلتي أنني أريد التكلم مع احد لقد تعبت من كثرة السكوت وأتمنى أن أجد من يسمعني ويفهمني، أنا متزوجة من 3 سنين

و عندي ولد الحمد لله جميل جداً وزوجي يحبني جداً، وأنا كمان أحبه جداً بس المشكلة أنه ساعات كتير يعاملني بطريقه غريبة اوى والسبب فى ده والدته حيث أنها تعيش معنا في البيت، كل مرة تهينني وتروح تشتكي له منى وتقول نص كلام أو الكلام كله بس يطلعني أنا غلطانة طبعاً مع أنها تهينني لدرجة توجع وأنا لا أتكلم ولا أرد عليها، وهو حضر أكتر من موقف وكان في الوقت ده بيرد عليها، ويجى من وراها يصالحنى أو يحاول يخفف عليه الضغط للى بكون فيه لأنه عارف أن أنا ببأى مضغوطة جداً ومش بتكلم خالص ولا حتى يشتكى، ده غير تدخلها فى حياتنا وحتى تربيتي لابني والحاجات إلى الدكتور قال عليها زى الحموم والدواء وغيره والى يتبقى اصح حاجه للبيبى حتى دى بتدخل فيها، وبتمنعنى أنى اعملها ده غير انها كتير بتحاول توقع الناس فى بعض وتحاول تبعدنى عن اهلى وتبعد جوزى كمان عن أهلي وتدخل فى دماغه حاجات غلط زى انو عشان يكون راجل لازم كلمته هو الى تمشى مع أنها فى حالة بنتها لو حاولوا جوازتهم يعملوا ده تقلب الدنيا وتقول العكس تماماً أنا متعبة جداً ومش قدره أتكلم خالص مع أى حد حتى والدتي عشان ما اعملش مشاكل بس مش قادره.

انا عايزه اتكلم واطلع كل الى جوايا بس مش عارفة مع مين فكرت اروح لدكتور نفسانى بس الوقت مش سامحلى خصوصا انى بشتغل وبسيب الولد الصبح كله معها ودى حاجه تانية تعباني لأنى بخاف تقولوا عنى كلام يخليه يكرهني، أو يستعر منى وهى بتعمل ده قدامى وفكرت أنى اكتب كل الى ببدور فى نفسي في أى ورق او كشكول مش عارفه، أنا بجد تعبانه وعايزة أعيط بس بمسك نفسى جامد، حاسه أنى لوحدى الحاجة الوحيدة الى بتهون عليا انى معايا ربنا وحسه بيه حاسس بيا وبتكلم معاه بس غصب عنى بدعى كتير عليها وبخاف من ربنا أوى للى أنا بعمله وهى دلوقتى بتحاول أنها تزعزع ثقتي فى نفسى بس مش عارفه لأنها هى وبناتها معندهومش ثقة في نفسهم خالص ودايماً خايفين ومعندهمش حتى حياة اجتماعيه خالص وده مخليهم زيادة شراسة عليا لأني أنا اجتماعيه جدا ولي حياه اجتماعيه والناس كلها بتحبنى الحمد لله أنا بجد محتاجة للمساعدة أرجوكم ساعدوني أنا حاسة أنى هتجنن أعمل إيه؟

 

بحث في الموقع

إعلان

تابعنا على فيسبوك

إعلان